વડોદરા શહેરના ગોત્રી પોલીસ સ્ટેશન પાસે કારમાં અચાનક આગ લાગતા તંત્રમાં દોડધામ મચી ગઇ હતી.બનાવની જાણ થતાં ફાયરબ્રિગેડના જવાનોએ સ્થળ પર પહોંચી આગ બુઝાવી હતી.
વડોદરામાં આગજનીના બનાવોમાં નોંધપાત્ર વધારો થયો છે.તેવામાં ગઈ કાલે સાંજે એકાએક કારમાં આગ લાગતા અફરાતફરીનો માહોલ સર્જાયો હતો. ઘટનાની જાણ થતા વાસણા ફાયરની ટીમ સ્થળ પર દોડી આવી પાણીનો મારો ચલાવી કારમાં આગ લાગેલી સ્થિતિ પર કાબુ મેળવ્યો હતો.ગોત્રી પોલીસ સ્ટેશનના પી.આઈ સહિત પોલીસ કાર્યો પણ ઘટના સ્થળે દોડી આવ્યા હતા.સદનસીબે જાનહાનિ થતા ટળી હતી.
