વડોદરા શહેરના દાંડિયાબજાર વિસ્તારમાં થયેલી ફાયરિંગની ઘટનામાં પોલીસે ઝડપી કાર્યવાહી કરી આરોપીને ઝડપી પાડ્યો છે. ઘટનાને લઈને શહેરમાં ચકચાર મચી ગઈ હતી.
ઘટનાની જાણ થતાં જ વડોદરા શહેર પોલીસ દ્વારા તાત્કાલિક તપાસ હાથ ધરવામાં આવી હતી અને આરોપીને શોધવા માટે અલગ-અલગ ટીમો બનાવી કામગીરી શરૂ કરવામાં આવી હતી. તપાસ દરમિયાન પોલીસને મહત્વપૂર્ણ માહિતી મળતા આરોપીને ઝડપી પાડવામાં સફળતા મળી છે.
આ સમગ્ર મામલે અશોક રાઠવા (ACP, “C” ડિવિઝન) દ્વારા પત્રકાર પરિષદ યોજી ઘટનાની વિગતો આપવામાં આવી હતી. તેમણે જણાવ્યું હતું કે ફાયરિંગની ઘટનામાં સંડોવાયેલા આરોપીને ઝડપીને કાયદેસરની કાર્યવાહી શરૂ કરવામાં આવી છે.
પોલીસ દ્વારા ઘટનાના ચોક્કસ કારણો જાણવા માટે વધુ તપાસ હાથ ધરવામાં આવી રહી છે.
