વડોદરા શહેરના તરસાલી વિસ્તારમાં આવેલ પ્રમુખ ભૂમિ સોસાયટીના બંધ મકાનમાં આગ લાગતા આસપાસના લોકોમાં ભારે ફફડાટ ફેલાયો હતો. બનાવની જાણ કરવામાં આવતા જ જીઆઇડીસી ફાયર ફાઈટરની ટીમ ઘટના સાથે દોડી આવી હતી અને પરિસ્થિતિ પર કાબુ મેળવ્યો હતો.
વડોદરા શહેરમાં ઉનાળાની શરૂઆત એ શરૂ થયેલ આગ લાગવાનો સિલસિલો આજે પણ યથાવત જોવા મળી રહ્યો છે, તેવામાં બુધવારે શહેરના બે જુદાજુદા વિસ્તારોમાં આગ લાગવાની ઘટના બની હતી. પ્રથમ ગાજરાવાડી વિસ્તારમાં ખુલ્લા મેદાનમાં પડેલા કચરામાં આગ લાગી હતી. જે બાદ નમતી સાંજે તરસાલી વિસ્તારમાં આવેલ વિસ્તાર નગરની પાસેના પ્રમુખ ભૂમિ સોસાયટીના એક મકાનમાં આગ લાગી હતી. જોકે આ મકાન બંધ હોવાથી આસપાસના પાડોશીઓએ તાત્કાલિક આ બનાવ અંગેની જાણ ફાયર વિભાગને કરતા જીઆઇડીસી ફાયર સ્ટેશનના જવાનો ઘટના સ્થળે દોડી આવ્યા હતા. સદ્નસીબે કોઈ હાજર નહીં હોવાથી જાનહાની થતા ટળી હતી. જ્યારે ફાયર બ્રિગેડના જવાનોએ આગ ઉપર કાબુ મેળવ્યો હતો. પ્રાથમિક તપાસમાં શોર્ટ સર્કિટને કારણે આગ લાગી હોવાનું અનુમાન લગાવાયું હતું.
