૧૦ હોદેદારોની વર્ક લોડ કમિટી ની રચના કરવામાં આવી.
નવા શૈક્ષણિક વર્ષ ૨૦૨૫-૨૬માં યુનિ.માં હંગામી શિક્ષકોની ભરતી માટે હેડ ઓફિસ દ્વારા તમામ ફેકલ્ટીઓ-કૉલેજો પાસેથી યાદી મગાવાઈ છે. જે અંગે આજે મળેલી વર્ક લોડ કમિટીની બેઠકમાં ૮૦૦ હંગામી શિક્ષકોની નિમણૂક કરવાનો નિર્ણય લેવાયો હતો. જે અંતર્ગત એપ્રિલ મહિનામાં યુનિ. દ્વારા નોટિફિકેશન પ્રસિદ્ધ કરાશે.
અરજીઓ મગાયા બાદ મે મહિનામાં ઉમેદવારોના ઇન્ટરવ્યૂ લેવાશે. યુનિ. દ્વારા જૂન મહિના સુધીમાં હંગામી શિક્ષકોની નિમણૂક અપાશે. કોમર્સ ફેકલ્ટીમાં સૌથી વધુ વિદ્યાર્થીઓ અભ્યાસ કરે છે. જેથી આ ફેકલ્ટીમાં હંગામી શિક્ષકોની વધુ ભરતી થાય તો નવા શૈક્ષણિક વર્ષમાં સાડા છ હજાર ઉપરાંત વિદ્યાર્થીઓને પ્રવેશ આપી શકાય તેમ છે.તે ઉપરાત વર્ષોથી શિક્ષક તરીકે ફરજ બજાવતા શિક્ષકો પણ ભવિષ્યમાં કાયમી થશે તેવી અટકળો પણ ચાલી રહી છે…
