ચુુડા નાયબ મામલતદાર મધુબેનની ઉપસ્થિતિમાં આંગણવાડી,બાલવાટિકા તેમજ ધોરણ-૧માં પ્રવેશપાત્ર બાળકોને પ્રવેશ અપાવ્યો હતો.
આ પ્રસંગે દીપ પ્રાગટ્ય કરી સાંસ્કૃતિક કાર્યક્રમ અંતર્ગત મુખ્ય મહેમાનોનાં સ્વાગત ત્યારબાદ અભ્યાસમાં અગ્ર ક્રમાંક પ્રાપ્ત કરનાર વિદ્યાર્થીઓને સન્માનિત કરાયા હતા.ત્યારબાદ શાળાનાં બાળકોએ પોતાનાં વક્તવ્યમાં કન્યા કેળવણી પર ભાર મુકીને પોતાના વિચારો રજુ કર્યાં હતાં.અને સરકાર તરફથી મળતાં લાભો વિશે માહિતી આપી ગ્રામજનોને જાગૃત કરી માર્ગદર્શન અપાયું હતું.
આ સમયે દાતાઓનું સ્વાગત કરવામાં આવ્યું હતું.કાર્યક્રમને અંતે શાળાનાં પ્રટાગણમાં વૃક્ષારોપણ કરાયું હતું.
આ કાર્યક્રમમાં સરપંચ રામદેવસિંહ કાઠિયા તથા શાળાનાં આચાર્ય તેમજ સી.આર.સી પદાધિકારીઓ,સદસ્યો, શાળાનાં શિક્ષકો,વિદ્યાર્થીઓ તેમજ ગ્રામજનો ઉપસ્થિત રહ્યા હતા.
ચુડા તાલુકાનાં રામદેવગઢ ગામે શાળા પ્રવેશોત્સવની ઉજવણી કરાઈ
