છોટાઉદેપુર જિલ્લાના બોડેલી તાલુકાના તરગોળ ગામની પ્રાથમિક શાળાના કેટલાક બાળકો માથા ઉપર ટાઇલ્સ ઉચકી રહ્યા છે. તો કેટલાક બાળકો શૌચાલય સાફ કરી રહ્યા છે . પહેલી નજરે તો દૃશ્ય જોતાં એમ લાગે કે કોઈક બાળકોને બાલ મજૂરી કરવી રહ્યા હોય પણ અહીં તો સ્કૂલ છે. અને સ્કૂલ માં રિનોવેશન નું જે કામ ચાલી રહ્યું છે. તેમાં આ બાળકો કામ કરી રહ્યા છે . અને આ કામ કરાવી રહ્યા છે. આજ સ્કૂલ ના આચાર્ય ગુરુની જવાબદારી છે. બાળકો ના ભાવિનું ધડતર કરવાનું પરંતુ શું આવી રીતે?
છોટાઉદેપુર જિલ્લો આદિવાસી બાહુલ્ય ધરાવતો જિલ્લો છે. આ જિલ્લામાં આવેલ કેટલાય વિસ્તારોમાં શિક્ષકો હોય તો શાળાના ઓરડા નથી. ઓરડા હોય તો શિક્ષકોની અભાવ છે. પૂરતા પ્રમાણમાં શિક્ષણનો અધિકાર પણ મળતી નથી .વર્ષો પહેલા છોટાઉદેપુર જિલ્લાના આદિવાસી સમાજના લોકો પોતાના બાળકોને સ્કૂલે મોકલતા ના હતા. કેવળ મજૂરી કરાવતા હવે જ્યારે લોકો સમજુ થયા છે. અને હરણ ફાળ ભરતી દુનિયામાં પોતાનું બાળક પાછળ ના રહે તે માટે હવે પોતાના બાળકોને સ્કૂલે મોકલતા થયા છે.પણ અહીં તો બાળકોને શિક્ષણ નું ગ્યાંન મળવું જોઈએ ત્યાં બાળકો મજૂરી કરે રહ્યા છે.સવાલ એ ઊભો થાય છે કે શું આ રીતે ભણશે ગુજરાત ?
વિધાર્થીઓ સ્કૂલ આવે તો તેના હાથમાં ચોપડી અને પેન હોવી જોઈએ પણ બોડેલી તાલુકાના તરગોળ ગામે પેન ચોપડીની જગ્યાએ પાવડા તગારા જોવા મળી રહ્યા છે.
